كشفت الاعلامية لميس الحديدي عن اخفاءها لاصابتها بمرض السرطان ،وقالت “لما بيجيلك السرطان بتبقي عايزة تستخبي وتتجنب الكلام عنه”.
وقالت أثناء حلولها ضيفة برنامج بودكاست “مننا وفينا” ،عند سؤالها سؤال سبب إخفاء مرضها عن الجمهور اجابت: “ليه بتجيبي السيرة دي؟! مش لازم الناس تعرف دا من 10 سنوات ودا وجع يخصني وأخاف الناس تقول بتاجر بحاجة”.
وأوضحت الاعلامية لميس الحديدي “انا خبيت المرض عن ابني لحد ما كبر ولما بيجيلك كانسر بتستخبى وعندي زرار جوايا بدوس على أي حاجة عايزة أنساها يعني لو حد ضايقني بعد سنة ممكن أسامحه”.
ووصفت أنها لما اكتشفت إصابتها بالسرطان، اعتبرت أنه “كابوس وهيعدي والحمد لله لو ربنا أعطاني نعمة في حياتي غير ابني فهو أخد بإيدي، واللي وقف معايا في فترة المرض أمي وعمرو أديب وأصحابي وعائلتي القريبين أوي، محدش كان يعرف”.
وأضافت الإعلامية أن أصدقاءها كانوا يقيمون حفلات خلال جلسات العلاج الكيماوي، وأنها كانت تسجل حلقات برنامجها مع الأستاذ محمد حسنين هيكل بعد انتهاء هذه الحفلات، “صحابي كانوا بييجوا خلال جلسة العلاج، يعملوا حفلة، وكنت بخلص الحفلة وأسجل حلقة الأستاذ محمد حسنين هيكل”، مؤكدة أنها لم تغب في أي يوم عن جمهورها خلال فترة مرضها.
كتبت: أمنية عاصم
التعليقات