يستعد المطرب الشاب محمد رأفت لطرح أغنية جديدة قريبًا، وتحمل اسم “أنا هنجح”، ومن المقرر طرحها عبر موقع الفيديوهات العالمي “يوتيوب”.
الأغنية من كلمات وألحان محمد رأفت، ومن توزيع وميكس وماستر مؤمن ياسر، وتم الإنتهاء من أعمال تراك الصوت الخاص بالأغنية.
تدور فكرة الأغنية حول الأشخاص اللذين يحتاجون ويتقربون للشخص في نجاحه فقط، ويرحلون من حياته في وقت الشدة والضيق.
وطرح رأفت مؤخرًا أغنية تحمل اسم “مديرة حياتي”، وذلك عبر قناته الرسمية بموقع الفيديوهات الشهير “يوتيوب”، وحققت نجاحًا جماهيريًا كبيرًا عبر جميع المنصات الإلكترونية.
الأغنية من كلمات وألحان محمد رأفت، ومن توزيع مؤمن ياسر.
كلمات الأغنية:
حبيبتي الطيبة القريبة اللي مابتسبنيش
كل حاجة حلوة ليا لسه مخلياني اعيش
اللي مطلع جوز عيونها ولسه صابرة مكملة
اللي حبي وحبها يزيد بعد اي مشكلة
ام قلب ابيض وصافي طيب واغلي من الدهب
اللي حضنها لما حن لا تعب قلبي ولا اكتئب
واللي الكل قصادها ملغي واخدة عيني لوحدها
اللي لو جابولي الدنيا مايجيش اغلي منها
اللي كل هموم حياتي بتيجي وتخلص عندها
انا عارف معترف اني يوماتي مغلبك
واني صعب وماتعاشرش طبعي تملي بيتعبك
وانا مهما تشوفي برضو ماستغناش ف يوم
ومفيش قصاد غلاوتك حاجة غالية بتغلبك
دانا عايش عمري بيكي بتنفس حبك هوا
والعمر مابحسبهوش لو يوم فات واحنا مش سوا
صاحبت عمري وفاهماني من غير مانطق بالكلام
تيجي تتعبني الهموم تيجي عيونك الدوا
اللي عايشة الحال معايا ع القليل قبل الكتير
واللي اتعوضت فيها عن اللي شفته كل خير
تتدبر لو معايا او لو حتي كان مفيش
بنت الأصول الخير ف ايدها يزيد ميت ألف خير
من غيرها بكون لوحدي مهما كان حواليا ناس
دي اللي فهمت كل سنتي فيا وشبهي بالمقاس
بفضل ف عيونها نجم مهما أكتئب وانطفي
وباختصار هي مديرة حياتي وبإمتياز
انا عارف معترف اني يوماتي مغلبك
واني عيل ماتعاشرش طبعي تملي بيتعبك
بس وحيات ربنا ماستغناش عنك يوم انا
مفيش قصاد غلاوتك حاجة غالية بتغلبك
دانا عايش عمري بيكي بتنفس حبك هوا
والعمر مابحسبهوش لو يوم فات واحنا مش سوا
صاحبت عمري وفاهماني من غير مانطق بالكلام
تيجي تتعبني الهموم تيجي عيونك الدوا.
يذكر أن من أبرز أغاني المطرب محمد رأفت أغاني “ياملكة، تخيل، طفي النور، خالصة، قهوة سادة، فين الشتا، أبويا، طابور الجدعنة، مديرة حياتي”.
ومحمد رأفت هو صاحب أغنية “طفي النور”، والتي حققت نجاحًا جماهيريًا كبيرًا في الفترة الماضية، وتفاعل معها كثيرًا رواد مواقع التواصل الاجتماعي المختلفة، وحققت نسب مشاهدات عالية وصلت لأكثر من 3 ونصف مليون مشاهدة حقيقية عبر موقع الفيديوهات العالمي “يوتيوب”.
كتبت: سلمى شافعي
التعليقات