طرح المطرب الشاب محمد رأفت أغنية جديدة تحمل اسم “مديرة حياتي”، وذلك عبر قناته الرسمية بموقع الفيديوهات الشهير “يوتيوب”.
الأغنية من كلمات وألحان رأفت، ومن توزيع مؤمن ياسر، وحققت الأغنية نسب مشاهدات عالية فور طرحها منذ ساعات وحتى الآن.
كلمات الأغنية:
مديرة حياتي
حبيبتي الطيبة القريبة اللي مابتسبنيش
كل حاجة حلوة ليا لسه مخلياني اعيش
اللي مطلع جوز عيونها ولسه صابرة مكملة
اللي حبي وحبها يزيد بعد اي مشكلة
ام قلب ابيض وصافي طيب واغلي من الدهب
اللي حضنها لما حن لا تعب قلبي ولا اكتئب
واللي الكل قصادها ملغي واخدة عيني لوحدها
اللي لو جابولي الدنيا مايجيش اغلي منها
اللي كل هموم حياتي بتيجي وتخلص عندها
انا عارف معترف اني يوماتي مغلبك
واني صعب وماتعاشرش طبعي تملي بيتعبك
وانا مهما تشوفي برضو ماستغناش ف يوم
ومفيش قصاد غلاوتك حاجة غالية بتغلبك
دانا عايش عمري بيكي بتنفس حبك هوا
والعمر مابحسبهوش لو يوم فات واحنا مش سوا
صاحبت عمري وفاهماني من غير مانطق بالكلام
تيجي تتعبني الهموم تيجي عيونك الدوا
اللي عايشة الحال معايا ع القليل قبل الكتير
واللي اتعوضت فيها عن اللي شفته كل خير
تتدبر لو معايا او لو حتي كان مفيش
بنت الأصول الخير ف ايدها يزيد ميت ألف خير
من غيرها بكون لوحدي مهما كان حواليا ناس
دي اللي فهمت كل سنتي فيا وشبهي بالمقاس
بفضل ف عيونها نجم مهما أكتئب وانطفي
وباختصار هي مديرة حياتي وبإمتياز
انا عارف معترف اني يوماتي مغلبك
واني عيل ماتعاشرش طبعي تملي بيتعبك
بس وحيات ربنا ماستغناش عنك يوم انا
مفيش قصاد غلاوتك حاجة غالية بتغلبك
دانا عايش عمري بيكي بتنفس حبك هوا
والعمر مابحسبهوش لو يوم فات واحنا مش سوا
صاحبت عمري وفاهماني من غير مانطق بالكلام
تيجي تتعبني الهموم تيجي عيونك الدوا.
وطرح مؤخرًا رأفت أغنية جديدة تحمل اسم “فين الشتا”، وذلك عبر قناته الرسمية بموقع الفيديوهات الشهير “يوتيوب”، والأغنية حالة خاصة لكافة محبي فصل الشتاء، وترصد معاناة محبي الشتاء من فصل الصيف ودرجات الحرارة العالية.
“فين الشتا” من كلمات وألحان محمد رأفت، ومن توزيع وميكس وماستر مؤمن ياسر.
يذكر أن من أبرز أغاني المطرب محمد رأفت أغاني “ياملكة، تخيل، طفي النور، خالصة، قهوة سادة، فين الشتا، أبويا، طابور الجدعنة”.
ومحمد رأفت هو صاحب أغنية “طفي النور”، والتي حققت نجاحًا جماهيريًا كبيرًا في الفترة الماضية، وتفاعل معها كثيرًا رواد مواقع التواصل الاجتماعي المختلفة، وحققت نسب مشاهدات عالية وصلت لأكثر من 3 مليون مشاهدة حقيقية عبر موقع الفيديوهات العالمي “يوتيوب”.
التعليقات