طرح المطرب بهاء سلطان أغنية جديدة تحمل اسم “دلوقتي عجبناكوا”، وذلك عبر موقع الفيديوهات العالمي “يوتيوب”.
الأغنية من كلمات منة القيعي، ومن ألحان عزيز الشافعي، ومن توزيع أحمد عادل، مكس ماهر صلاح، ماستر جلال الحمداوي، ومن إنتاج روتانا.
وحققت الأغنية تفاعل كبير من قبل جمهور ومحبي بهاء سلطان منذ طرح برومو الأغنية منذ يومان، وأيضًا حققت الأغنية نسب مشاهدات عالية فور طرحها منذ ساعات عبر “اليوتيوب”.
وتقول كلمات الأغنية:
دلوقتي عجبناكوا ؟
ما كنا حلوين ومعاكوا !
فجأة الشوق آهو جابكوا
طب إيه كان مشّاكوا ؟
أيوة إحنا إحلوينا
لأ وكمان بقينا
صعب يخش علينا
كلمة ودمعتين
كنا زمان حاجة تانية
غلب وطيبة الدنيا
كنا بنيجي ف ثانية
كنتوا ساعتها فين
دلوقتي بقينا فلة
ده إنتوا كسرتوا ورانا قلة
ومشينا وسايبينها على الله
كدة فجأة وجعناكوا
عارفين أيوة قسينا
نشفنا ورانا رمينا
دنيا بنت لذينة
يوم سلف يوم دين
والله مش ندية
ولا عِند ولا أذية
أصل المواضيع ديا
خلصت من سنتين
دلوقتي إتقدرنا
ده إحنا ياما إتكدرنا
يلا قدركم وقدرنا
تيجوا بعد ما ننساكوا
وأحتفل منذ قليل بهاء سلطان بتوقيع عقد الشراكة مع شركة “روتانا”، من أمام برج القاهرة، حيث تم كتابة اسمه واسم الأغنية ورسم صورته على جدران برج القاهرة.
وفي سياق منفصل… أحيى منذ عدة أيام بهاء سلطان حفل غنائي كبير في مدينة الإسكندرية، وحقق الحفل نجاحًا كبيرًا وحضره آلاف من الجمهور السكندري.
يذكر أن طرح بهاء سلطان منذ ما يقرب من عام مضى ألبوم يحمل اسم “سيجارة”، وضم عدد كبير من الأغاني التي أحبها الجمهور وتفاعل معها بكثرة، ومنها “تعالى أدلعك، عاملين الصح، أنا غلطان، ليالي طويلة، مالك”.
كتبت: سلمى شافعي
التعليقات