طرح المطرب تامر عاشور أغنية جديدة، حملت اسم “هي الناس”، وتم طرحها عبر جميع المنصات الإلكترونية، وموقع الفيديوهات العالمي “يوتيوب”، على طريقة الفيديو Lyrics.
وحققت الأغنية أكثر من 22 ألف مشاهدة حقيقية عبر موقع الفيديوهات العالمي”يوتيوب”، وذلك بعد ساعتان من طرحها.
الأغنية تنتمي لنوعية الأغاني “الرومانسية”، وهي من كلمات أحمد المالكي، ومن ألحان محمد خلف، ومن توزيع أنور عمرو، وميكس وماستر محمد صقر.
وتقول كلمات الأغنية:
الحلوه دي تحلم وتقولي طلبها ايه
راضي بكل اللي تقول عليه
والدنيا تيجي لها في ثانيتين
الحلوه دي اول ما تقرب من بعيد
بفرح وبتقلب يومي عيد
والفرحه معايا بفرحتين
بالدلع وبالشقاوه الجمال بيزيد حلاوه
هي دي اللي بضحكه منها
قلبي تاه قدام عيونها وفي ثواني راحلها
ناسي كل حاجه مرت بيا
حاسس اني روحي رددت فيا
لما تبقي جمب مني كل يوم هفرح واغني
دي السعاده كلها
عليها جمال ومكمله
باجمل روح جت في الحياه
واسمي تقوله مغنياه لو يوم تناديني
معاها الوقت يفوت اوام ولا بيشغلني الساعه كام
وبتعب لما تقول سلام وتغيب عن عيني
دي هي الناس ولا هرضه بغيرها يا ناس
وفي عمري وجودها اساس
وهاكمل حياتي معها لاخر يوم
وهي معايا
انا حالف لاعيش اراضيها
بوعدها هتبقى في عيني
واسعدها
دي هي ف كوم والدنيا في كوم
الضحكه دي بتقرب مني من المستحيل
وتفرح قلبي نهار وليل والدنيا بجد معها غير
والحاله دي انا عايش فيها ومش هفوق
حاسس بالراحه وبالهدوء
والله قدومها عليا خير
بالدلع وبالشقاوة الجمال بيزيد حلاوه
هي دي اللي بضحكه منها
قلبي تاه قدام عيونها وفي ثواني راحلها
ناسي كل حاجه مرت بيا
حاسس اني روحي رددت فيا
لما تبقي جمب مني كل يوم هفرح واغني
دي السعاده كلها
عليها جمال ومكمله
باجمل روح جت في الحياه
واسمي تقوله مغنياه لو يوم تناديني
معاها الوقت يفوت اوام ولا بيشغلني الساعه كام
وبتعب لما تقول سلام وتغيب عن عيني
دي هي الناس ولا هرضه بغيرها يا ناس
وفي عمري وجودها اساس
وهاكمل حياتي معها لاخر يوم
وهي معايا
انا حالف لاعيش اراضيها
بوعدها هتبقى في عيني
واسعدها
دي هي ف كوم والدنيا في كوم.
يذكر أن من أخر أعمال تامر عاشور طرحه لأغنية “تيجي نتراهن”، والذي حققت نجاحًا كبيرًا ووصلت نسب المشاهدات إلى أكثر من 23 مليون مشاهدة حقيقة عبر موقع الفيديوهات العالمي “يوتيوب”.
والأغنية من كلمات عليم، ومن ألحان عمرو الشاذلي، ومن توزيع عمرو الخضري، وجيتار مصطفى نصر.
كتبت: سلمى شافعي
التعليقات