كتبت: سلمى شافعي
خرج نجم الجيل تامر حسني عن صمته بعد تصريحات الفنانة حلا شيحا، وتشكيكها في مصداقيته.
ونشر تامر بوست عبر حسابه الرسمي عبر موقع تبادل الصور والمعلومات “إنستجرام”، وعلق قائلًا:” الحقيقة عمري ما بتخيل إني أدخل في نقاش بالشكل دا مع زميل بحترمه و كان في بينا كل خير، للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك، فا أنا مضطر أرد هنا برضو”.
وتابع:”أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف، الحقيقه إني إحترمت كلامي معاكي ووعدتك أشيل مشاهد تانيه طلبتيها وشيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجودة، و بعدين الفيلم بقاله ٣ اسابيع في السينمات و الكليب موجود جوه الفيلم، هو بالنسبالك الحرام إننا ننزل الكليب على اليوتيوب بس، إنما الكليب يتشاف جوه السينمات عادي”، منطق غريب فعلاً يا حلا”.
وأضاف:” بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه، هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك، و للتوضيح للجمهور الكريم أنا و المخرجه الأستاذه سارة وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا و تليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع، و بقيتي تقفلي تليفوناتك و تكنسلي علينا كلنا”.
وأضاف تامر حسني:” أي فيلم بيبقى ليه خطة مسبقه في الدعاية و انتي عارفاها كويس ووافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل، أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكرة انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين”.
يذكر أن فيلم مش أنا من بطولة تامر حسني، حلا شيحا، ماجد الكدواني، سوسن بدر، شيرين، إياد نصار، محمد عبد الرحمن توتا، حجاج عبد العظيم، عصام السقا، وعدد من ضيوف الشرف، ومن سيناريو وحوار تامر حسني، ومن إخراج سارة وفيق.
https://www.instagram.com/p/CRWPN-uLQvv/?utm_medium=copy_link
التعليقات