حلا شيحا تتبرأ من مشاهدها في “مش أنا”

كتبت: سلمى شافعي

تبرأت الفنانة حلا شيحا من مشاهدها في فيلم “مش أنا”، وخاصة فيديو كليب أغنية “بحبك”.

ونشرت حلا صورة عبر حسابها الرسمي عبر موقع تبادل الصور والمعلومات “إنستجرام”، وعلقت قائلة:”أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة،

وخصوصا بعد آخر بوست نزلته ووضحت فيه أنا إيه”.

وتابعت حلا شيحا:”واتفاجئت أكتر خصوصا بعد وعد تامر حسني ليا وتأكيده أنه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي”.

وأضافت: “إحنا يمكن نجحنا بمقاييس الدنيا بس صدقوني بمقايیس ربنا احنا لم ولن ننجح، انا عارفة ومتأكدة أن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح”.

وتابعت:”بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط عشان أحنا بشر بس المصيبة اننا بنغفل وبننسى”

وأضافت:”أنا مش هتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة أن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن”.

يذكر أن فيلم “مش أنا” تم تصويره منذ عدة شهور وتم طرحه في دور العرض منذ أسابيع قليلة، وتم تأخيره بسبب انتشار جائحة فيروس كورونا.

الفيلم من بطولة تامر حسني، حلا شيحا، ماجد الكدواني، سوسن بدر، شيرين، إياد نصار، محمد عبد الرحمن توتا، حجاج عبد العظيم، عصام السقا، وعدد من ضيوف الشرف، ومن سيناريو وحوار تامر حسني، ومن إخراج سارة وفيق.

https://www.instagram.com/p/CRVaQ1mtKfv/?utm_medium=copy_link