أصيبت الإعلامية الشابة أسماء مصطفى بمرض السرطان، وأعلنت ذلك الخبر عبر حسابها الرسمي عبر موقع التواصل الاجتماعي “فيسبوك”.

وعلقت قائلة:”أنا بعتذر طول الفترة اللي فاتت عن الإختفاء وعدم الرد غصب عني الحقيقة إني بقالي كام شهر مش عارفة أرد أو اكتب أقول إيه لمعظم الناس، وده كان علشان أمي وعيلتي لحد ما يستوعبوا القصة، وبعد ما عرفت ورضيت، خلاص مش فارق معايا خلاص”.

وأضافت: “أنا حالي حال ناس غيري كتير بيمروا بمعركة مع المرض اللعين، الاسم صعب معلش، وأنا منهم بحاول وبكافح، وربنا كريم، صحيح المشوار لسه طويل والشفا بإيدين ربنا وحده، وما علينا غير إننا ناخد بالأسباب ونرضى بقضاء الله ونسأله اللطف فيه مش عايزة حد يزعل، أنا بس محتاجة الدعاء لأني مؤمنة، لأنه بيغير القدر أنا قطعت مسافة كويسة في رحلة العلاج الحمد لله، ولسه في خطوات تانية ربنا يسهل، في إنتظار تحديد ميعاد العملية، علشان كده عدم ظهورى هيطول، رجاء تاني محدش يتضايق، فضلا الدعاء”.

يذكر أن تقدم أسماء مصطفى برنامج هذا الصباح عبر شاشة قنوات Extra News.