حارب سرطان الدم Leukemia.. عايز اقول ان مفيش حاجه دايمه مفيش حد كامل اللي احنا فيه دا من عند ربنا اختباراته وامتحاناته ليها أسباب وانا ببتسم رغم اني محبط وبحاول استمد قوتي من مامتي وحب اخواتي واصدقائي
ف تاريخ 8/ ابريل بظبط
اول متعبت روحت لدكتور باطنه شك ان عندي تيفود وفعلاه طلع عندي اتعلجت منه مرا واتنين وبعد كدا تعبت بردو ورحت لدكتور تاني وقالي قولون شويا يقولي زايده وكل يوم عند دكتور شكل وفضلت اتشخص غلط لمده سنه ونص لحد مبصدفه رايح مع ساره اختي Sara Komsanعند دكتوره امراض جلديه وكان عندي حاجه زي الغدد ليمفاوية كبيره بشكل رهيب الدكتوره رادتت عليا قالتلي هوا اي دا قولتلها معرفش قالتلي هيا دي مش بتوجعك قولتلها لا اومال انت ساكت عليها ليه وانا ف الوقت دا مطلوب مني تحاليل كانسر من الدكتور اللي انا متابع معاه وانا مش عارف وهوا كان شاكك اصلا ومقاليش لحد ميتآكد ولما نتيجه التحاليل خلصت المعمل كلم ماما وراحت جبتها وهيا اللي اخددت الصدمه ف الاول ولما انا عرفت كنت بقول يعني اي كانسر اهو حاجه زي البرد او السوخنيه وهتروح مع الوقت رجعت لدكتور قالي هوا فيه حاجه ف الدم وهتروح لدكتوره امرض دم وهيا هتظبطهالك كانت الدكتور /داليا نافع
وعرفت بقا يعني اي كانسر
قولت لماما يعني اكتب بوست ع الفيس بوك ان انا عندي سرطان؟
قالتلي انت هترجع كدا كدا اقوي واحسن من الاول مليون مره كنت ف اول اسبوعين من شهر رمضان وكان تاني يوم الامتحانات نزلت بوست ع الاكونت بتاعي زي مهوا كدا بظبط
سرطان ف الدم Leukemia
اللهم لا اعتراض ع قدرك ياالله ادعولي بالله عليكم
واخواتي واصاحبي عملولي هشتاج
#قمصان_انت_اقوى_من_السرطان
بصراحه حب الناس اللي انا شوفته مكانش طبيعي بالنسبه ليا وكل الناس اللي اعرفهم واللي معرفهمش كلموني وقلولي احنا بندعيلك ف التراويح وصلاه الفجر وع الفطار وكل وقت ولقيت من ناس متعافيه من السرطان وناس لسه بتحارب بيكلموني بيدعموني وفيه اللي كان بيقولي احنا عايزين نستقوه بيك زي ميكونه لاقو حاجه يتشعبطو عليا ودا ف حد زاته كان شرف ليا ومن هنا بدآ المشوار حته معظم اخواتي واصاحبي مكنوش يعرفو واختي ساره عرفت من ع الفيس عادي زيها زي اصاحبي وكل الناس اللي بتحبني واخواتي وماما قرارو انهم مش هيقولولها عشان هيا تعتبر اللي مربياني.
وكنا اقرب اتنين لبعض ف البيت بدآت البروتوكول قبل العيد الصغير بيومين وكنت عامل عمليه نقل دم وبعدها خت اول جرعه كيمو بعدها بدآت الرحله لقيت خصل من شعري بتنزل اقوم من النوم الاقي شعري ع المخده وع حوض الحمام فضلت فتره سايبه يقع لحد مخت القرار اني هقص شعري زي مشفوفتو ف الفيديو هوا كان احساس صعب عليا بس أن شاء الله هيرجع احسن من الاول وبنزل من غير مالبس ايس كاب ولا اي حاجه وفخور جدا بنفسي وان شاء الله انا اللي هكسب والسرطان هيخصر.
السرطان مبيموتش احنا بنموت لما عمرنا بيخلص مفيش حاجه اسمها السرطان انتصر المرض مش نهايه الحياه المرض فرصه عشان نشوف الدنيا بشكل جديد وانا عندي ظن برابي اني هكسب المعركه وانا اللي هنتصر وعندي امل عايش عليه هناك امل مازلت اتنفس
إيمان .قوه. صبر .عزيمه شجاعه سآهزم السرطان بإذن الله
#هرجع_اقوى
#قمصان_انت_اقوى_من_السرطان
“رسالة شكر”
ومين يشبهك يا أمي
فليذهب السرطان للجحيم امـي مصـدر القـوة”
بدعي ربنا يشفيني و يقويني وارجع تاني سندك وضهرك زي ما إنتي طول عمرك ساندني”
فاكر كل حاجه ياماما فاكر تعب اليلالي ومحدش جامبي غيرك فاكر كل كلمه فاكر لما انا كنت بعيط من التعب وانتي كمان بتعيطي وتقوليلي طب انا مش عارفه اعملك اي في ايدي اي اقدر اعمله وانا مش هتآخر ثانيه ” فاكر لما كنا بنروح لدكتور وتقوليلة انا عايزه افهم ابني فيه اي اقدر اعمله اي اساعده ازي ودموعك محبوسه وتظهري ف كل ثقه عشان انا مضعفش وكل مجيب سيره التعب تقوليلي انت مفكش حاجه انت زي الفل وهتبقا زي الفل والله صدقني هتتعالج وهتبقا احسن من الاول مليون مره
دومتي ياُ أمـي ودام وجودك وداعمك
ياريت تعيشي لحد اليوم اللي اقدر اردلك فيه كل حاجه حلوه عملتيها عشاني
طول ماانتي معايا يبقي انا الحمد لله مخسرتش حاجه ف حياتي
انتي احسن حد فالدنيا والحاجه الوحيده اللي طلعت بيها والحد الوحيد اللي ليه فضل عليا ومتمناش فحياتي قد إنك تبقي مرتاحه ومبسوطه بس بتعرفي تصلحي كل شىء بيتكسر جوايا بطبطة ايدكي ودعوتك
اما عنك فإنتي نقيه كزهر ابيض مبهجه كالمطر بعد الجفاف نادره لا يشبها احد
دومتي انتي باقية فليذهب الجميع
“اللهم امي معي ف كل وقت
التعليقات