أيتن عامر تطرح أغنية “خطافة الرجالة”

طرحت الفنانة والمطربة أيتن عامر أغنية جديدة تحمل اسم “خطافة الرجالة”، وذلك عبر قناتها الرسمية عبر موقع الفيديوهات العالمي “يوتيوب”.

والأغنية من كلمات أحمد علاء الدين، ومن ألحان أحمد مصطفى، ومن توزيع زوم، وجيتار أحمد حسنين.

وحققت الأغنية نسب مشاهدات عالية فور طرحها منذ ساعات، كما تصدرت الأغنية التريند منذ طرح البرومو الرسمي لها عبر منصات التواصل الاجتماعي المختلفة.

وتقول كلمات الأغنية: 

عاملة لاف على صورته وانا حبيبته ومش هاقف اتفرج

وانا هقفش جامد ده البارد عمال بيهرج

يا نهار ابيض كده مش فايت

انا قلبى مولع نار شايط

بقى بينى وبينها انا تار بايت

ده متعرفنيش

و دى قلة ذوق كدة مش طالبه بزياده لطافه

دى عميت فى عنيها العيب فيها ولا انا شفافة

انا موتى و سمى اللى قافلنى

بتبص فى وشى وتحضنى

ومن ضهرى بتلعب و تخونى

وكله على مفيش

خطافة الرجالة حرصوا منها

تلعب على مين لا ده بعينها

اللى تقربله الله يعينها

مش هسكت ولا هقف اتفرج

خطافة الرجالة حرصوا منها

تلعب على مين لا ده بعينها

اللى تقربله الله يعينها

جمهورى كبير يملى مدرج

خطافة الرجالة

ولا عاش ولا كان اللى يقرب من حد بحبه

دة انا اصلى قعدت اما دخلت و ربعت فى قلبه

دورها فى حياته يدوب مشهد

و انا بطله فيلمه الناس تشهد

ومكنتش احبها تتعقد

بس اعمل ايه

عينك يدب فيها رصاصه راحه جايه عليه

زى ما بيقولوا عنيها فيه وتقول

عماله تلفى و بتحاولى

و تقولى لا ذوقى ولا ستايلى

و أتاريكى عماله تتحايلى

علشان تشوفيه

خطافة الرجالة حرصوا منها

تلعب على مين لا ده بعينها

اللى تقربله الله يعينها

مش هسكت ولا هقف اتفرج

خطافة الرجالة حرصوا منها

تلعب على مين لا ده بعينها

اللى تقربله الله يعينها

جمهورى كبير يملى مدرج

خطافة الرجالة

خطافة الرجالة

خطافة الرجالة

خطافة الرجالة حرصوا منها

تلعب على مين لا ده بعينها

اللى تقربله الله يعينها

مش هسكت ولا هقف اتفرج

خطافة الرجالة حرصوا منها

تلعب على مين لا ده بعينها

اللى تقربله الله يعينها

جمهورى كبير يملى مدرج.

وكانت من آخر أعمال أيتن الغنائية طرحها لفيديو كليب “بناقص”، والذي حقق نجاحًا كبيرًا حين عرضه قبل 4 أشهر.

والأغنية كانت من كلمات تامر حسين، ومن ألحان وليد سعد، ومن توزيع أحمد إبراهيم، ومن إخراج بتول عرفة، ومن إنتاج لايف ستايلز ستوديوز. 

يذكر أن من آخر أعمال أيتن عامر مشاركتها في الموسم الرمضاني 2022 بمسلسل “مكتوب عليا”، وقامت أيضًا بالغناء ضمن أحداث المسلسل. 

وحققت أغنية “ستو أنا”، نجاحًا وتفاعلًا كبيرًا من قبل الجمهور، منذ طرح الأغنية في الموسم الرمضاني وحتى الآن. 

وشارك أيتن في غنائها أكرم حسني وكريم صالح، والاغنية من كلمات أكرم حسني، ومن ألحان كريم عاشور، أحمد وحيد كينج، توزيع أحمد وحيد كينج، ومن إخراج خالد الحلفاوي. 

ومسلسل “مكتوب عليا” من بطولة أكرم حسني، هنادي مهنا، أيتن عامر، إسماعيل فرغلي، عمرو عبد الجليل، محمود السيسي، محمد طعيمة، هلا رشدي، وعدد كبير من النجوم، ومن إخراج خالد الحلفاوي.

كتبت: سلمى شافعي