طرح المطرب أحمد حليم أحدث أغانيه التى تحمل اسم “وتلمح” عبر موقع الفيديوهات الشهير “يوتيوب”.
ويقول مطلع الأغنية “وتلمح فى الطريق فرصه تقول هى
وتلمح فى الوشوش ضحكه تقول ليا !
وبين هى وبين ليا تبات راضى وصافى النيه وبالك من الهموم فاضى و ملغيه
وتحدفك الحياة طوبه تفاديها
تتكعبل فى ميت حفرة تعديها
محال تيأس من الدنيا
ماتستسلمش لو ثانيه
هتيجى الفرصه ويكون لك مكان فيها
وياما دموع مداريها كتير حكايات مخبيها
وياما هموم فى وسط اليوم قصاد الباب بترميها
ويوم مغلوب ويوم غالب
.. ولا بتشيل ولا تعاتب …. ولا بتلوم ولا حابب دا اللى فى الناس مكفيها ..
بيجوا كتير عليك وتعدى وتسامح بتفتح فى النهارده وتقفل امبارح
بتيجى كتير على نفسك ومش لاحق تاخد نفسك
ومن قلبك تقول الناس لبعضيها
على قد اللقا على قد ما تفارق ولا عمر اللى باعك كان معاك فارق
بتتعب ياما وتعانى تقع لكن تقوم تانى
جبل احزان وسبحانه عالم بيها”.
الأغنية من كلمات محمود فاروق، ومن ألحان مدين، ومن توزيع وميكس وماستر يحيي يوسف، مدير إنتاج تيتو الشيخ، منتج فني حسين أمين، مدير تصوير مصطفى أحمد ومن إخراج إسلام حمدان.
الجدير بالذكر أن من أخر أعمال أحمد حليم أغنية “عاش يا جامد” ، و يستعد لتصوير هذه الاغنية على طريقة الفيديو كليب قريبًا ، وكان من كلمات عمرو المصري ومن ألحان عمرو الشاذلي ومن وزيع طارق عبد الجابر.
كتبت: سلمى شافعي
التعليقات