مها أحمد تفتح النار على أحمد السقا وأمير كرارة

خرجت الفنانة مها أحمد عن صمتها والذي طال عدة سنوات، بعد توقفها عن التمثيل لفترة كبيرة.

ونشرت بوست عبر حسابها الرسمي عبر موقع التواصل الاجتماعي “فيسبوك”، تهاجم فيه نجمين كبار، شاركوا في الموسم الرمضاني 2021، وهو ما شبه الجمهور بالفنان أحمد السقا، وأمير كرارة.

وعلقت مها أحمد قائلة:”عوضي على الله دي الجمله اللي دايما بقولها لما اتصدم فاشخاص، الحكاية ياسادة نجمين عملوا مسلسل وأتنجمت عليهم بنوته لسه الف باء تمثيل وأديتهم على قفاهم وركبت عليهم إلى أن أصبحت بطلة المسلسل وبطلة الدعايه للمسلسل وهما راضيين، رغم أن طول عمرهم مبيعملوش كده مع أي زميلة لهم اقربها أنا”.

وتابعت:”النجم الأولانى بيني وبينه عيش وملح وزمالة رشحت فمسلسل بطولته وكان بيقنعنى بدور ولما وافقت بعتولى دور تاني معرفوش دور متعملوش واحدة مبتداءه المفروض انه عارف قيمتى الفنية وعارف اني إضافة له أتهرب مني وموقفش جنبى وباعنى رغم أن الكل عارف أني زي أخته (ندل)، أما التاني كان في بداياته يتمنى يسلم عليا ويقولى يا أستاذه نزلت من نفسي وقلتله مش هنشتغل مع بعض ماهي الحوجه مُرة رد وقالي الدور بينادي صاحبه”.

وأضافت مها أحمد:”طبعا محكلكوش قد إيه ندمت نفسي وعشت أسود أيام حياتي عياط واكتئاب، وقلت ( عوضي عليك يارب)، تمر الأيام والأثنين يعلو ويتجمعوا مع بعض فمسلسل واحد ( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه، وربنا يركب عليهم بنوته سنه أولى تمثيل وخبرة ويتحول المسلسل والدعاية الدراما كاملة لصالحها وهما (مخدماتيه للأستاذه)، يمهل ولا يهمل ابدوا من جديد يا أوفر تمثيل ياللى مبتقروش ياكمبارس جنب النجمة، نصيحة بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا، ( عوضنا على الله )، يارب متحوجنا لحد حتى ولو كان أقرب الناس لينا”.