أسهل صنف حلويات ودايما مقاديره في البيت، وتقدري تعمليه في عشر دقايق، بس كل مرة بنحب نزود فيه تكات ونعمله أحلى وأحلى.. عشان كده هنشوف النهاردة طريقة وتكات عمل الرز بلبن الكريمي زي اللي بنشتريه من المحلات، مفيد للأطفال وخفيف على الكبار.
الأول نجهز المقادير:
اربع كوب ارز
كوب سكر
4 كوبايات ميه
4 كوبايات لبن
4 معالق لبن بودر
6 معالق كبيره كريم شانتيه بودره
معلقتين كبار نشا
فانيليا
الطريقة:
ندوب النشا في نص كوباية ماية باردة.
بعدين ندوب الحليب البودر في باقي كمية اللبن.
نحط الميه على الرز ونسيبهم على النار لحد ما يستوى ويشرب مايته كلها.
ننزل كوباية السكر على الرز ونقلب لحد ما تدوب خالص.
نضيف اللبن والفانيليا واللبن البودر ونقلب كويس.
وبعدين نضيف الكريم شانتيه الباودر.
نسيب كله على النار لحد ما يغلى.
وننزل النشا لحد ما القوام يتقل شوية.
نطفي عليه ونقدمه فى اطباق ونزينها بمكسرات.. وبالهنا والشفا.
التعليقات