شيرين عبد الوهاب: أنا أتأذيت من حسام وهو قلبه أسود وبعدني عن كل الناس أهلي وصحابي

خرجت الفنانة شيرين عبد الوهاب عن صمتها بعد مدة صمت كبيرة، حول علاقتها مع طليقها المطرب حسام حبيب.

وقالت شيرين في مداخلة هاتفية مع الإعلامية لميس الحديدي،:”أنا اسفة أني بتكلم في موضوع والناس مش في حمل دا، ولكن الناس شاهدة عليه، وحبيت أوضح واتأسف واستغفر ربنا في الكذب اللي كذبته عشان اخلي صورة إنسان كويسة قدام الناس وجمهوره، ودي أكتر حاجة ربنا مش بيحبها “الكذب”، وأنا كمان مش بحب الكذب”.

وتابعت:”عشان ارفع صورة إنسان كذبت عشان يعرف يتجوز مرة تانية من عيلة تانية، لو كنت قولت كلام وحش عنه مكنش هيعرف يتجوز وأنا بصراحة عاوزاه يغور ويبعد عني”.

وأضافت:”أنا قاعدة في امان الله مع عيالي وشايفين الويل معايا بقالهم ٤ سنين نفسيتهم تعبانة وأنا كمان، تقريبًا مكناش عايشين، بناتي مكنوش عارفين يعقدوا معايا، كنت محبوسة ٢٤ ساعة في أوضة نومي مبعملش حاجة كنت مع واحد قاعد في البيت ومش بيخرج ولا بيشتغل، انا غلطت في حق نفسي، ومش عيب إن أحافظ على بيتي حتى لو مشهورة، وكنت فاكرة أني بحافظ على بيتي ولكنه مكنش بيت دا كان مصيدة فئران”.

وتابعت:”قاعدة في الساحل لاقيت تليفون بسرقة عربية مرسيدس مكتوبة باسم حسام، كل الناس عارفة ان كنت بجمل صورته، ولكن الناس عارفة كل حاجة وكنت بجمل وبقول كلام كذب عشان اطلعه كويس، الناس أذكياء، لما أتسرقت العربية الساعة ١ بالليل”.

وأضافت:”كنت عايشة مع راجل مش بيشتغل ولا يشوف اهله زلا صحابه، مبيعملش حاجة غير حبه للكلاب، وأنا خدامة الراجل اللي بعيش معاه، وهو أنسان مودي جدا، وخسرني كل الناس، أبويا وصحابي وأخويا وشغالتي والسواق وحسسني أن الدنيا كلها تأمرت علينا عشان نكون مش مع بعض، وهو لازم يتعالج نفسيًا”.

وأضافت:”لو عملت فرح ناجح بينكد عليا، مسكتي الولد دا إزاي كدا حاضناه ليه كدا، يابني دا قد عيالي، واعلان بنك مصر كنت تريند وأنا في البيت في خناقة، وأطلقنا طلاق بين، وبعد ما هديت أديته فرصة ثانية، وكنت بحبه وكنت فكراه ابني مش جوزي بس، وعملت ستوديو خاص بينا واشتريت له كل الأغاني اللي عجبته، وقالي تخنتي عاوزة إنسانة أتباهى بيها مش زي أمي”.

وتابعت:”لما رجعت بشروط بيت تاني، وبناتي مايتعرضوش لمشاكل نفسية، ونشتغل”. 

وتابعت:”ناس كتير سألت عليا منة شلبي، وياسمين عبد العزيز، وجمهوري كله”.وتابعت:”بعد ما رجع شوفت أيام سودة تاني، ومظبطتش، ربنا شاهد بعمل اسك كل خميس، وديما بقدم السبت عشان أنجيه، أنا بنت أصول، وكتب سؤالين من تليفونه وجاوبت عليه عشان أبرأه عشان يتجوز تاني، وكان السؤال عن إنه خد فلوسي وضربني”.

وتابعت:”حبته عقربة، أنا في حياتي ما أتأذيت من إنسان كدا، هو قلبه أسود وبيغتاب كل الناس”.