طرح المطرب الشاب محمد رأفت أغنية جديدة تحمل اسم “قهوة سادة”، وذلك عبر قناته الرسمية عبر موقع الفيديوهات العالمي “يوتيوب”.
الأغنية من كلمات وألحان محمد رأفت، ومن توزيع وميكس وماستر مؤمن ياسر، جيتارات سامح رفيق، ومن إخراج أحمد علاء الجندي.
وتقول كلمات الأغنية:
أنا كنت من الشرفاء اللي بيتغابوا ف حب الناس
باجي عند اللي ملهمش قيمة أديهم قيمة وهما رخاص
وصراحة يسلموا خلوني أتعامل مثل وميري خلاص
انا نفسي اعرف إيه اللي هيحصل لو جيتوم سكة ودوغري.
ونقصر في الحوارات و تبانوا علي أصلكو من بدري
ده الخلق يدوبك سنة وتكة علي المريخ أنا هجري
هات كوباية القهوة ديا عشان هشربها سادة.
وأي علاقة توكسيك مالهاش عندي يوم زيادة
سايقين ف الكدب ليه ماهي بانت الوشوش ياسادة.
عمال عايش بعارك عالم كله مزيفين.
واقع وسط ناس ثقيلة وأسخف من السخافة
مرضي ومعووجين بينافسوا بعض علي الأنافة
نفسي أنساكوا وأبدلكوا وارجع تاني سليم معافي
من كتر شر دماغكو وقفتوا حال الشياطين.
شوف هي معادلة ومالهاش عدلة بجيبها يمين وشمال
دول كام بني آدم جوه حياتي الحرق فيهم حلال
دلوقتي هياخدوا الناهية تمام ركزوا ف اللي هيتقال
بص أحاقد
هتعيش وتموت بنارك.
ياللي عدوك ابن كارك
لما تعرف تبقي سالك
هعرف أتعامل معاك.
بص ابايع
هاخدلك كورس sales
هزاكروا صم وبال details
هتلاقيني في ساعت الهلس في شدة هبيعك بالرخيص
بص أحاسد.
يااللي عينك طلقة راشقة راصدة المادة والفلوس
بتبص علي اللي ظاهر تنسا تبص على الكالوس.
بتركز في اللي مايخصكش وسايقك الفضول
ناقص تيجي تعيش حياتي مكاني لو تطول
بص يا أصفر
اللون فاقع عليك شايف كرهي انا في عينيك
من سوادك اللي طافح نارك جاهزة تسوي كيك
مش هحطك جوه راسي آخرك امشي وأدوس عليك.
هات كوباية القهوة ديا أشربها ياعم سادة
وأي علاقة توكسيك مالهاش عندي يوم زيادة
سايقين في الكدب ليه ماهي بانت الوشوش ياسادة
عمال عايش بعارك عالم كله مزيفين.
واقع وسط ناس ثقيلة وأسخف من السخافة
مرضى ومعووجين بينافسوا بعض على الأنافة
نفسي أنساكوا وأبدلكوا وارجع تاني سليم معافي
من كتر شر دماغكو وقفتوا حال الشياطين.
وحققت الأغنية نجاحًا جماهيريًا كبيرًا منذ طرح البرومو الرسمي الأول لها منذ عدة أسابيع، وفور طرحها عبر “اليوتيوب” حظت على نسب مشاهدات مرتفعة.
يذكر أن من أبرز أغاني المطرب محمد رأفت أغاني “ياملكة، تخيل، طفي النور، خالصة، أبويا، طابور الجدعنة”.
ومحمد رأفت هو صاحب أغنية “طفي النور”، والتي حققت نجاحًا جماهيريًا كبيرًا في الفترة الماضية، وتفاعل معها كثيرًا رواد مواقع التواصل الاجتماعي المختلفة، وحققت نسب مشاهدات عالية وصلت لأكثر من 2 ونصف مليون مشاهدة حقيقية عبر موقع الفيديوهات العالمي “يوتيوب”.
كتبت: سلمى شافعي
التعليقات