خرج الدكتور أشرف صبري والد الفنانة ياسمين صبري عن صمته، وذلك بعد تصريحات ابنته الأخيرة، التي قالت فيها إنها نشأت في أسرة متوسطة، ولم تتمكن من شراء ما تحلم به، وإنها كانت تدرس في مدارس عربية وليست لغات.
خرج والدها منذ ساعات عن صمته في تصريحات نارية، ونشر عبر حسابه الرسمي عبر موقع التواصل الاجتماعي “فيسبوك”، وعلق قائلًا:”دي المدرسة اللي اتخرج منها بناتي اللي واحدة منهم بتدعي انها كانت في مدارس عربي وعاشت حياة بائسة فقيرة وانها وصلت بمجهودها! هو الكدب في حد يوصل للدرجة دي”.
وأضاف:”انا افهم الكدب لما تبقي غلبانة وتكدبي تقول انا من عيلة كبيرة ومدارس اجنبية وعيشت في سراية وبابي كان وزير وهو بيشتغل عامل! يبقي كذب له مبرر”.
وتابع:”لكن ان واحدة اتولدت لها شغالة فليبينية بتلبس من باريس لاني كنت باجيب لها لبسها من هناك ودخلت مدرسة ال EGC ارقي مدارس اسكندرية في وقتها وعاشت في فيلا بحمام سباحة وصالة جيم ولها غرفة خاصة بحمامها وكانت بليدة وطلعت تروحي ويا دوب تنجح بالعافية بخمسن في المية وكانت بتروح الكلية بالعافية واصحيها الصبح بالساعة عشان تروح الكلية وتترفد في السنة مرتين وعميدة كلية اعلام بيروت موجودة وتشهد”.
وأضاف:”كنت اروح دايما اقدم اعتذارات وشهادات طبية عشان ترجع الكلية وشهاداتها عندي كلها كحك وابوها دكتور. تطلع تدعي انها عاشت حياة بائسة وغلبانة وبتكمل باقي الشهر من غير فلوس”.
وتابع:”ايه الكدب والفيلم المتخلف ده انتي عايشة دور تمثيل ورثاه من جد والدتك سيد سليمان. وبتكدبي ليه؟ . حتاخدي نشان يعني علي خيبتك وفقرك وصلتي وبقيتي حاجة, انتي بالنسبة لابوكي حتة عيلة مش فاهمة بتعملي ايه غير انك بتشوهي اللي رباكي عشان الناس تسأفلك. حتي اخوكي بهدلتيه اللي طول عمره جنبك وبيجي من اخر الدنيا عشانك! ياشيخة بطلي اللي انتي فيه ده وحسبي الله ونعم الوكيل فيكي. بطلي تجيبي سيرة عيلتك ابوكي اللي رباكي منك لله”.
الجدير بالذكر أن تستعد ياسمين صبري حاليا لتصوير مشاهد فيلمها الكوميدي الجديد “شغل عصابات”.
التعليقات