كتبت: آية حسين
نشرت المطربة “دينا حسين” عبر حسابها علي مواقع التواصل الإجتماعي “الفيسبوك ” فيديو تعبر في عن مدي غضبها تجاه مايحدث في الوسط الفني.
قالت دينا حسين عبر الفيديو المتداول:”يعني أنا مش عارفة هل أنا صوتي وحش، شكلي وحش، فيا عيب، فيا حاجة؟ معتقدش، كل ما أروح شركة إنتاج يقولي الله يا فنانة صوتك جميل، خلاص هنبتدي شغل ويبص في حتة تانية خالص”.
قائله : “يبص لشكلي أو لجسمي، أو يتجوزني عرفي، هو أنا لازم أعمل حاجة غلط، ولازم أقدم تنازلات، أنا طلع عيني لحد ما وصلت للي أنا فيه”.
وأكملت “دينا “: “شغل في الشارع واشتغلت، دراسة ودرست، في الأوبرا واشتغلت، عملت كل حاجة تأهل الفنان للنجاح، تعبت على نفسي، خدتها من تحت، ما عنديش مشكلة أتعب، بس عايزة أوصل وأنجح، أوصل باحترامي وكياني وبصوتي ومش لازم أعمل حاجة غلط”.
وأضافت دينا: “أنا مقولتش إني مش بقوم من على السجادة، أنا بسهر وليا صحابي أولاد أكتر من البنات، بلبس قصير ومفتوح وكل حاجة، بس أنا مش عايزة أعمل حاجة غلط”.
دينا توجه كلمة للوسط:
“هو احنا سمعتنا وحشة من فراغ، مش شرط الغنا بس، أي نوع من أنواع الفن عليه سبوت، لو الفن دا يا جماعة بالمنظر ده،
اتحاد النقابات الفنية يرد علي كل من يسيء لفنانات مصر:
وبناءً على المقطع المتداول للمطربة الشابة دينا حسين، أصدر اتحاد النقابات الفنية قرارًا بمحاسبة كل من يسيء للفن والفنانات قضائيًا والتصدي لكل من يسعى للتشهير بسمعة فنانات مصر الذي حظو بمكانه هامة في المجتمع ، مثل كوكب الشرق، وسيدة الشاشة العربية، وسيدة المسرح العربي،وغيرهم الكثير من الأمثلة المشرفة.
التعليقات