حرصت “مجلة عود” علي اجراء حوار صحفي مع مغني الراب المصري المطرب “بوليلي”، حيث يعد فن الراب أحد أبرز أنواع الفنون الغنائية التي انتشرت بقوة في القرن 21، كما تم ادخاله في أغاني كثيرة مثل الأغاني الرومانسية والأغاني الشعبية.
وإيمانًا بأهمية فن الراب استطاعت “مجلة عود”، أن تحاور الفنان “بو ليلي” والذي كشف عن معلومات كثيرة داخل هذا النوع من الفن الجميل، وإلي نص الحوار.
في البداية حدثنا أكثر.. عن فن الراب؟ ومتي ظهر في مصر؟
يقول الفنان “بو ليلي” إن فن الراب هو عبار عن نوع من الثقافة، مضيفًا أن فن الراب هو الشارع اللي مطلعناش منه واحنا صغيرين، قائلاً” الراب حياه بتعيشها مع الشباب جنب الكشك وبتككلمو لهجه محدش فاهمها غيركم .. الراب هو انت قدام المرايه وأنت بتجهز نفسك تقول ايه بكره فالمدرسة للواد اللي بيرخم عليك عشان تطلع منظره وحش بشويه كلام وأن الراب هوأنت حاسس بنفسك، هو انت لما بتضايق ونفسك تقول كلام مش عارف تقوله فتكتبه”.
وكشف “بو ليلي” أن الراب بنسبه لناس تانيه بنطلون متسقط وكاب وسلسلة بتلبسهم و بتتقمص بيهم شخصيه صلبه شفتها ففيلم أوحد روش نفسك تبقي زيه، موضحاً أن فن الراب بنسبالة انا الراب هيدفون وورقه وقلم بتحاول تغلب بيهم نفسك كل مرة.. انا ازاي هكتب حاجه جامده.
وعن عشقة للراب قال “بو ليلي” إنه تعلق بالراب لما ذهب مع شقيقة لشراء شرايط لـ”metallica ” لاننا كنا متعلقين بفكره الروك والميتال ساعتها الكلام ده ف ٢٠٠٢ أو ٢٠٠٣ تقريبا و اشتريت شريط كاسيت لامينيم اللي كان مكسر الدنيا ساعتها و مكناش فاهمين ليه وأنا عن نفسي مكنتش فان للراب فمصر قوي و والله مش فارقلي ظهر امتي فمصر قد ما فارق معايا هو ظهر امتي فحياتي، انا مع احترامي للقديم طبعاً بس انا مسمعتش راب فمصر قبل ابيوسف، هو اللي علم الناس دي كلها ازاي تكتب ويعني ايه تعمل تراك كامل مختلف عن اللي متعارف، كلنا واحنا صغيرين سمعنا كوردي و egyrap school واسماعليه soldiers و y crew و فوقت مالاوقات مكي و arabian knights و mtm بس كان دايماً في حاجه ناقصه، ابيوسف هو اللي جيه قفلها، زاب ثروت؟ ده ايه علاقته بالراب معلش”.
أشهر المطربين الذين يعملون في هذا المجال؟
أوضح “بو ليلي” أن مبين كل ٥ أشخاص فمصر هتلاقي وسطيهم ٢ رابرز.. او فكرين انهم رابرز .. فلو افترضنا أن مصر فيها الف رابر أو فكرين انهم رابرز وصفيناهم كده.. مش هيطلع غير كام اسم حرفياً يتعدو على الصوابع ولو مشينا بنفس المنطق ده هنقول أشهر ناس بتقدم ثقافه الهيب هوب وراب (صح) فهنقول اسم زي “ابيوسف – مروان موسي – ابو الانوار وبتهيألي دول الاكثر شهره في الوقت الحالي”.
أيه سبب دخولك في هذا المجال مع أنه بعيد عن “الكرير” بتاعك؟
قال النجم “بوليلي” إنه يقوم بكتابة الأغاني الراب منذ الصغر وكان يتمني طول حياتي يبقي عندي باند ميتال واطلع بيها كل اللي جوه راسي بس زي اي عيله مصريه اصيله كان اهم حاجه بالنسبلها الدراسة و المجموع و الكلية إلي اخره .. فمع الوقت اتلهيت، لحد ما جه واحد صاحبي مخرج و كان عايز original sound track لفيلم هيدخل بيه مهرجان فالنمسا أو فرنسا، وسمعته تراك نفس الفكرة و مصدقش انا ازاي مبكتبش او مبعملش اغاني .. ساعتها بصيت لحياتي و قلت انا هفضل لحد امتي جوه البدلة اللي انا مبحبهاش واروح الشغل اللي مبحبوش عشان اتعامل مع ناس مبحبهاش .. انا مش هعيش مرتين تلاته .. انا هبدأ فحاجه انا بحبها و بتبسط وانا بعملها.
هل من الممكن أن يتم خلط “موسيقي” الراب بأنواع “موسقي” أخري مثل الشعبي أو الرومانسي ألخ..؟
أجاب “بوليلي” للاسف نعم .. لان هذا ما يحدث بالفعل، موضحًا أنه ليس لدية اي مشكله مع الاغاني الشعبي ولا انك تعمل الموسيقي نفسها بطابع شرقي، محذرًا من التقليد الاعمي، قائلاً ” يعني شفنا واحد نجح بالستايل ده .. يلا بينا كلنا نقلد .. يلا بينا كلنا نغني شعبي .. يلا بينا كلنا نعمل كذا .. طب انتو ليه مسحتو هويه الموسيقي نفسها ، طب ليه معدش في تنويع، ليه اما بسمع واحد و التاني و التالت بحس انهم كلهم نفس الشخص بس مغيرين النبره.، بس فالاول و الاخر هنقول ان ده تطور طبيعي للمزيكا و اكيد لسه هيظهر الف لون تاني غير اللي احنا شايفينه النهارده”.
كم عدد الأغاني التي استطاعت أن تطلقاها بالسوق المصري؟
كشف “بوليلي” عن الأغاني التي قام بتسجيلها، حيث وصل عددهم ١٠ تراكات وعمله ارقام مش بطاله على تطبيق “السوند كلود”، موضحًا أنه عدد الأغاني المتاحين حالياً ٥ اغاني من اصل ١٦٠ تراك كان نفسي انزلهم.
أهم ما يميز أغاني النجم “بوليلي”؟
كما قلت لك.. أهم شيء في غناء الراب الكلمات التي يتم كتابتها واختيارها ” مهاره الكتابة” وهذا ما أتبعه في جميع الأغاني التي أقوم بتسجيلها وتوزيعها في السوق.
ما سبب اختيار أسم “بوليلي”؟
قال مغني الراب “بو ليلي”” في أمريكا فكره انك تمشي علي منهج حد انت بتحبه ده شئ طبيعي جداً زي ما lil wayne اخد اسمه من حد كده مش فاكره و جه بعده الف واحد سمو نفسهم lil كذا سواء lil pump lil uzi lil xan و عد علي كده .. فأنا طبقت الفكره نفسها وانا بختار اسم يكون stage name.. لقيت أن اكتر حد بحبه و معتبره role model كان abyusif.. و طبعاً ناس كتير بتقول أبو يوسف و ده مش صح بس اخدت فكره ابو دي و مشيتها مع اكتر حاجه بحبها فحياتي و هي ليلي بنتي.
هل من الممكن أن نري الفنان “بوليلي” في دوتوا مع أحد المشاهير مثل عبد السلام، أو حسن شاكشوش؟
أكد “بو ليلي” أنه يعسعي لتحقيق هذا الشئ، موضحًا أنه بالفعل كان سيقوم بعمل collab مع اسمين كبار اوي بره مصر واتجاهي كان فحته ثانية و أني اخد طريق العالمية من بدري.. بس غير أن الموضوع مكملش زي المتوقع.. فانا حبيت اني ابدا السلم درجه درجة و اثبت لنفسي حاجه.
أخر أعمالك الفنية.. ومتي سيتم طرحها في السوق؟
أجاب “بو ليلي” أنة يعمل حالياً على ١٠ تراكات سيتم الإعلان عنهم مع بداية السنة الجديدة بس مستني اصور كليب الاول عشان الناس تبدأ يبقي شكلي مألوف بالنسبالها، واللي هينزل قبل أخر السنة هيبقي تراك بعنوان “فرعون”.
لمشاهدة القناة الرسمية للمطرب “بو ليلي” اضغط هنا
التعليقات