“مجلة عود” تقدم أفضل طريقة لعمل كساديا اللحمة في المنزل

حرص مجلة عود” عىي رصد أفضل طريقة لعمل وصفة جديدة لأكلة “كساديا باللحمة”

 

ربع كيلو دقيق ابيض.

ربع كيلو دقيق ذره.

5 جرام ملح.

15 جرام سكر.

250 مل ماء للعجن.

30 مل زيت.

200 جرام ستيك مقطع شرائح.

100 جرام بصل شرائح.

50 جرام صويا صوص.

30 جرام وشيستر صوص جاهز.

5 جرام ملح.

5 جرام فلفل.

200 جرام ساور كريم.

100 جرام جبنه موتزرايلا.

100 جرام جبنه شيدر.

 

 

– فى العجان نخلط دقيق ابيض ودقيق اصفر وملح وسكر وزيت ونضيف الماء حبه حبه ونعجنهم مع بعض لحد الحصول على عجينه متماسكه طرية سهلة التشكيل ونقطعها على 6 كرات ونرش دقيق فى بوله ونرص فيها كرات العجينه ونغطيها ونسيبها ترتاح نصف ساعه.

 

– على الرخامه نرش دقيق ونفرد كرات العجينة بالنشابه بسمك رفيع ونقطعها بشكل دائرى وفي طاسه ساخنه على النار نسوى الخبز على كل وجه دققتين ونحطه فى طبق ونغطيه.

 

– فى طاسة على النار نشوح شرائح اللحمه فى زيت ولما يتغير لونها نرفعها نحطها فى طبق.

فى نفس الطاسة على النار نشوح بصل فى زيت ولما يدبل نضيف صويا صوص وشيستر صوص وملح وفلفل ونضيف اللحمه ونقلبهم مع بعض كويس.

– نجيب طاسة او صينية ونفرد فيها الخبز ونحط فيها ساور كريم ونرش جبنه شيدر وجبنه موتزرايلا ونحط حشو اللحمة ونرش جبنه شيدر وجبنه موتزرايلا ونجيب طبقه من الخبز ونفرد عليه ساور كريم ونقفله كويس زي ما موضح في الصورة.

– ندخل الصينيه الفرن على 200 درجه لمدة 10 دقائق ياخد لون بس.