تزامنًا مع انتشار فيروس كورونا المستجد، حرصت مجلة عود على تقدم مجموعة من النصائح وذلك لعمل غرفة عزل داخل المنزل.
اولا حضرتك بتختار الغرفة خليك حريص أن يكون فيها مصدر للشمس لانها مهمة جدا.
ثانيا هتحط ف الغرفة أكياس قمامة بقدر كافى.
ثالثا لابد أن تحتوي الغرفة على جونتات وماسكات ومناديل وكحول بقدر كافى.
رابعا يجب وضع فوط وملابس وملايات للشخص المعزول بقدر كافى.
خامسا “لو فيه امكانية لوسيلة للتسلية للشخص المعزول زى شاشة تليفزيون أو لاب توب”
سادسا العلاج الذي سوف يستخدمة الشخص.
سابعا “ترمومتر ديجتل”.
“لو تقدر تفصل الحمام اللى هيستخدمه الشخص المعزول عن باقى الاسرة يبقى تمام جدا”
كيف يتم التعامل مع الشخص المعزول داخل الغرفة؟
يتم التعامل مع الشخص المعزول بحرص شديد، حيث يفضل تقديم الطعام الكافى يوميا ف اطباق كرتونية من اللى بتستخدم مرة وتترمى ف كيس قدام الغرفة وف نهاية كل يوم الشخص هيحط كل البواقى ف كيس ويربطه ويحطه ف كيس تانى ويحطه قدام الغرفة حضرتك وانت لابس كل سبل الوقاية هتاخد الكيس ترشه كلور من برة وترميه ف الاماكن المخصصة فورا.
ازاى هيروح الحمام قبل ما يخرج هيتصل بحضراتكم هتفضوا الطريق للحمام وهو خارج بالماسك والجوانتى وأيده جانبه مش بيلمس اى حاجة هيستخدم الحمام وبعدين حد من حضراتكم هيلبس الوقاية ويطهر الطرقة والحمام بتركيز الكلور.
كيف يتم متابع حالته الصحية ؟
هيبقى معه تليفون وهنعلمه يقيس الحرارة بالجهاز الدجيتل ويبلغنا الحرارة كل ٨ ساعات ولو فيه أى أعراض جديدة
طب افرض أنه اللبس اللى معه احتاج غسيل ؟
هيحطه ف كيس بلاستيك ويقفله كويس وهيحطه قدام الغرفة وحد منكم هيلبس لبس الوقاية وياخد الكيس يجرى بيه ع الغسالة وبعد ما يغسل الهدوم الغسالة تاخد دورة كلور التعقيم
طب افرض واحشنا؟
معلش اتكلموا فيديو كولز ، هدفك ف العزل المنزلى أن باقى أفراد الأسرة ما تتصابش عشان مش كل ما واحد يقرب يخف الإصابة تتجدد معلش نتحمل شوية
و الفيديو كولز هتحولوا تشركوا بيه الشخص المعزول ف كل حاجة بتعملوها عشان نفسيته
الغسيل بالنسبة للبس المريض درجة الحرارة العالية والمسحوق كافيين جدا للتعقيم
بالنسبة لتعقيم الغسالة نفسها بعد غسيل المريض دى دورة الكلور اللى بقول لحضراتكم عليها اننا هنشغل الغسالة ع اقصر برنامج وهى فيها قطعة قماش وحدة مش محتاجنها ونحط مع المسحوق كلور.
التعليقات