حرص بيشوي عماد مقدم نشرة أخبار مجلة “عود”، على تقديم الشكر والتقدير لوالدته خلال عيد الأم، ونشر عماد، عبر صفحته الشخصية عبر مواقع التواصل الاجتماعي “فيس بوك” مجموعة من الصور تجمعه مع والدته.
وحرصت “مجلة عود ” على التواجد مع بيشوي داخل منزلة وإجراء حوار معه هو والدته، حيث قالت :”اتولدت وكان عندي سنة مكنش لسة بابا وماما عرفوا اني ضعيفة سمع دخلت حضانة كانة كل يوم يلاقوني مفيش مني تفاعل مع الاطفال وكنت دايمآ قاعدة ساكتة المدرسة لاحظت دا وبلغت بابا وماما ان الموضوع دا لازم تروح تكشف مقياس سمع عشان نفهم المشكلة فين وطبعآ روحنا كشفنا وكانت المفاجأة في مقياس السمع وكانت النتيجة اني مولودة صماء.
امي جالها هبوط وتعبت لاكن أصرارها وانها مؤمنة بمشيئة الله سبتها علي ربنا وفورآ راحة تسأل عن مدارس الأعاقة السمعية و بالفعل كان في مدرسة في العباسية للصم دخلتها وكملت لحد ٦ سنوات.
كنت مبسوطة جدآ وفرحانة وابتدت المدرسين يبلغة بابا وماما اني بقيت شاطرة وبقدر افهم في الفصل وصلت لاعدادية ونقلنا في شبرا وروحنا مدرسة هناك وهنا بدأت قصة حب بيني وبين عماد واحنا في أعدادية كنا في المسرح بنمثل بتاع المدرسة سواا وخدنا دور كمان سوا في مسلسل كان للفنان محمد صبحي وكانت اشهر قصة حب في المدرسة لحد ما اتخرجنا وجة اتقدملي وبابا وماما كانوا حابين لان عماد كان من الصغر اخلاقة وعائلة دايمآ سيرتهم كانت بالخير.
وعملنا الفرح وربنا كرمنا ب بيشوي وكانت فرحتي بية متتوصفش ولاكن ك أم ضعيفة سمع كنت بواجة اول ما بيشوي اتولد صعوبات كتيرة لما كان بيقلق في نص الليل ويعيط ويبقي محتاج ياكل مكنت بسمعة ودي مشكلة كانت في يوم من الايام هتخلي بيشوي ربنا يحمية يجيلة حاجة بسبب اننا مكناش بنسمعة .
من هنا قررنا ان بيشوي لازم ناخدة علي جدتة ونقعد معاها فترة الحضانة لحد ما يبتدي يفوق شوية وبعدية ربنا كرمنا ب مريم ومرتينا وميرا ال ميرا هي اوحيدة اللي جات صم اصغر واحدة احنا كان نفسنا في بنت تكون هتقدر تفهمنا وتحسسنا بالأمومة مكناش عارفين نحتوي الأولاد كويس لان الجد والجدة هما اللي كانة بيربة كان نفسنا في طفل نحس بأننا قدرنا نحافظ علية ونربية بس ربنا كبير وقادر علي كل شيئ وقدرنا نكون أسرة مكونة من ٦ افراد نصها متكلمين ونص صم”.
التعليقات