هناك أمل مازلت أتنفس.. محمد قمصان يروي بطولته في محاربة السرطان

محمد قمصان

حكى البطل المصري محمد قمصان محارب السرطان ، تفاصيل رحلته مع التحدي، ليقدم رسالة أمل وعزيمة للجميع من خلال تجربية حقيقة.

وكتب محمد قمصان عبر حسابه الشخصي على موقع التواصل الاجتماعي “فيس بوك” “مفيش حاجة دايمة ومفيش حد كامل”

“اللي احنا فيه دا من عند ربنا اختباراته وامتحاناته ليها أسباب وانا ببتسم رغم اني محبط وحزين”.

“بحاول استمد قوتي من مامتي وحب اخواتي واصدقائي”.

وتابع متحدي سرطان الدم: في تاريخ 8 ابريل أول ما تعبت روحت لدكتور باطنة شك ان عندي تيفود وفعلا طلع عندي واتعالجت منه مرة واتنين”.

WhatsApp Image 2019 11 10 at 8.07.26 PM - هناك أمل مازلت أتنفس.. محمد قمصان يروي بطولته في محاربة السرطان

محمد قمصان

 

عام ونصف من التشخيص الخاطئ

“وبعد كدا تعبت بردو ورحت لدكتور تاني وقالي قولون شويا يقولي زايده وكل يوم عند دكتور شكل، وفضلت اتشخص غلط لمدة سنه ونصف”.

وذكر قمصان: “لحد ما بالصدفة رايح مع سارة اختي عند دكتوره امراض جلدية وكان عندي حاجة زي الغدد الليمفاوية كبيرة بشكل رهيب”.

“الدكتوره ردت عليا قالتلي هوا اي دا قولتلها معرفش، قالتلي هي دي مش بتوجعك قولتلها لا اومال انت ساكت عليها ليه؟”.

وأردف البطل محمد قمصان: “وانا ف الوقت دا مطلوب مني تحاليل كانسر من الدكتور اللي انا متابع معاه، وانا مش عارف”.

“وهو كان شاكك اصلا ومقاليش لحد ما يتأكد، ولما نتيجة التحاليل خلصت المعمل كلم ماما وراحت جابتها وهي اللي أخدت الصدمة في الاول”.

قمصان: من هنا عرفت معنى السرطان

واستطرد قمصان حديثه: “لما انا عرفت كنت بقول يعني ايه كانسر اهو حاجه زي البرد او السوخنية وهتروح مع الوقت”.

“رجعت للدكتور قالي هو فيه حاجه ف الدم وهتروح لدكتورة امرض دم وهي هتظبطهالك، كانت الدكتور داليا نافع”.

 
“وعرفت بقى يعني ايه كانسر، واخواتي واصاحبي عملولي هشتاج #قمصان انت أقوى من السرطان”.

“وبصراحة حب الناس اللي انا شوفته مكانش طبيعي بالنسبه ليا وكل الناس اللي اعرفهم واللي ماعرفهمش كلموني”.

وقالولي احنا بندعيلك في التراويح وصلاة الفجر وكل وقت، ولقيت من ناس متعافية من السرطان وناس لسة بتحارب بيكلموني بيدعموني”.

“وفيه اللي كان بيقولي احنا عايزين نستقوى بيك زي مايكون لقوا حاجة يتشعبطوا عليا ودا ف حد ذاته كان شرف ليا”.

ويستكمل محمد قمصان: “ومن هنا بدأ المشوار حتى معظم اخواتي واصاحبي ماكنوش يعرفوا”.

“واختي سارة عرفت من على الفيس بوك عادي زيها زي اصاحبي”.

“وكل الناس اللي بتحبني واخواتي وماما قرروا انهم مش هيقولولها عشان هي تعتبر اللي مربياني وكنا اقرب اتنين لبعض في ؛البيت”.

أول جرعة كيماوي

“بدأت البروتوكول قبل العيد الصغير بيومين وكنت عامل عملية نقل دم وبعدها أخدت أول جرعة كيمو، بعدها بدأت الرحلة”.

“لقيت خصل من شعري بتنزل اقوم من النوم الاقي شعري على المخدة وعلى الحوض، فضلت فترة سايبه يقع لحد ماخدت القرار”.

“قصيت شعري.. هو كان احساس صعب عليا بس إن شاء الله هيرجع أحسن من الاول، وبنزل من غير مالبس ايس كاب ولا اي حاجة”.

وتابع” فخور جدا بنفسي وان شاء الله انا اللي هكسب، والسرطان هيخسر.. السرطان مابيموتش احنا بنموت لما عمرنا بيخلص”.

“مفيش حاجه اسمها السرطان انتصر المرض مش نهاية الحياة المرض فرصه عشان نشوف االدنيا بشكل جديد”.

“وانا عندي ظن بربي اني هكسب المعركة، وانا اللي هنتصر وعندي امل عايش عليه.. هناك امل مازلت اتنفس.

WhatsApp Image 2019 11 10 at 8.07.29 PM - هناك أمل مازلت أتنفس.. محمد قمصان يروي بطولته في محاربة السرطان

WhatsApp Image 2019 11 10 at 8.07.32 PM - هناك أمل مازلت أتنفس.. محمد قمصان يروي بطولته في محاربة السرطان

WhatsApp Image 2019 11 11 at 8.10.36 AM - هناك أمل مازلت أتنفس.. محمد قمصان يروي بطولته في محاربة السرطانWhatsApp Image 2019 11 11 at 8.10.36 AM 1 - هناك أمل مازلت أتنفس.. محمد قمصان يروي بطولته في محاربة السرطان

اذا اعجبك المقال يمكنك دعمنا بمشاركته علي احدي المنصات التالية

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Fill out this field
Fill out this field
الرجاء إدخال عنوان بريد إلكتروني صالح.

اقرأ أيضاً

القائمة